"Ұлттық ойын - ұлтымыздың асыл қазынасы"

Сәуір айының он екінші жұлдызында №6 орта мектеп қабырғасында «Ұлттық ойын-ұлтымыздың асыл қазынасы » атты мерекелік  іс-шара жоғары деңгейде жалғасын тапты.Ұлттық ойынның мақсаты қазақтың  көз қарашығына айналған құндылығын қасиеттеп дәріптеу. Ұрпақ бойындағы өр кеуделі намысты, рухы  күшті перзент тәрбиелеу бүгінгі ұстаздың басты міндеті. Рухани жаңғыру бағдарламасы аясында көнені жаңаға айналдыру шеңберінде асық ату, қыз қуу, тақия тастамақ, сынды ойындар өзге ұлт өкілдерінің білім алушыларымен өткізілді. Қаны қазақ болмаса да, құрылымын құптап, ерекше мән мағынаны сезініп, ойынды жандандыра түскені ұстаздар қауымына қуаныш сыйлады.

         Аталмыш  мерекелік кеш тарихқа тұнып тұрғандай. Көрме қойылып, қазақи иісі аңқыған дәстүрлі көне бұйымдар арқылы көрермен көзайым айналып үлгерді. Қазақ тілі мен әдебиеті әдістемелік бірлестігінің мамандарының мұрындық болуымен іс шара жаңа форматта білім алушыларды белестерге жетелегендей. Әр ойын барысында балаларға базарлықта таратылды. Шара соңында мектеп директоры А.И.Турекулова білім алушылардың өнеріне оң баға беріп, ыстық ықыласын білдірді. Осы мерекенің қазынында қайнаған Ш.А.Сурамбаева және Г.Қ.Бимырзаевалардың да еткен еңбегі еселене түсті.